Trimetoprim Meda

Sýklalyf | Verðflokkur: 0 | Lyfseðilsskylt

Virkt innihaldsefni: Trímetóprím

Markaðsleyfishafi: Viatris ApS | Skráð: 30. september, 2003

Trímetóprím hefur sýklahemjandi áhrif. Það hemur vöxt baktería með því að hindra ákveðin ferli í efnaskiptum sem eru nauðsynleg fyrir fjölgun þeirra. Trímetóprím hentar vel gegn þvagfærasýkingum, það safnast fyrir í þvagi áður en það skilst út úr líkamanum og verkar á bakteríur sem algengt er að valdi þessum sýkingum. Í sumum tilfellum er trímetóprím gefið til lengri tíma til þess að fyrirbyggja endurteknar þvagfærasýkingar. Trimetoprim Meda er fyrst og fremst ætlað börnum við sýkingum í neðri hluta þvagfæra eða sem fyrirbyggjandi meðferð gegn endurteknum þvagfærasýkingum.

Notkun á lyfi

Lyfjaform:
Mixtúra til inntöku.

Venjulegar skammtastærðir:
Við sýkingu: Börn eldri en 3ja mánaða: 3 mg á hvert kg líkamsþyngdar í senn 2svar á dag. Fullorðnir og börn eldri en 12 ára: 150-200 mg í senn 2svar á dag eða 300 mg að kvöldi. Fyrirbyggjandi: Börn eldri en 3ja mánaða: 1-2 mg á hvert kg líkamsþyngdar að kvöldi. Fullorðnir og börn eldri en 12 ára: 100 mg að kvöldi. Hristið flöskuna fyrir notkun.

Hversu langur tími líður uns verkun kemur fram:
Misjafnt eftir því hvar sýkingin er og hversu næmir sýklarnir eru fyrir lyfinu. Eftir inntöku nær lyfið hámarksþéttni á 2 klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá. Eftir að mixtúran hefur verið opnuð endist hún í 6 vikur.

Ef skammtur gleymist:
Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Hvernig á að hætta töku lyfsins:
Taktu lyfið eins lengi og læknir segir til um eða ljúktu við skammtinn sem var úthlutaður, jafnvel þótt að einkenni sýkingarinnar séu ekki lengur til staðar. Annars er hætta á því að sýkingin nái sér aftur upp og að bakteríur myndi ónæmi fyrir lyfinu.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef teknir eru of stórir skammtar skal hafa samband við lækni, sjúkrahús eða eitrunarmiðstöð (sími 543 2222).

Langtímanotkun:
Við langvarandi meðferð þarf að fylgjast með fólínsýruþéttni og blóðhag.

Aukaverkanir

Allt að 10% þeirra sem taka lyfið finna fyrir einhverjum af aukaverkunum þess.

Aukaverkun	Tíðni			Leitið til læknis vegna einkenna
Aukaverkun	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Ógleði, uppköst
Sveppasýking í leggöngum, útferð
Útbrot, kláði
Útbrot, kláði, bjúgur og öndunarerfiðleikar

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

Varúð

Læknir sem ávísar lyfinu þarf að vita hvort

grunur leiki á um þungun

þú sért með einhvern blóðsjúkdóm

þú sért með langvarandi lifrar- eða nýrnasjúkdóm

þú sért með ofnæmi fyrir virka efninu eða einhverju hjálparefnanna

þú takir einhver önnur lyf

Meðganga:
Takmörkuð reynsla er af notkun lyfsins hjá þunguðum konum.

Brjóstagjöf:
Lyfið berst í brjóstamjólk en í venjulegum skömmtum er ólíklegt að það hafi áhrif á barnið.

Börn:
Skammtar eru háðir líkamsþyngd.

Eldra fólk:
Venjulegar skammtastærðir. Við langvarandi meðferð þarf að fylgjast með fólínsýruþéttni og blóðhag.

Akstur:
Lyfið hefur ekki áhrif á aksturshæfni.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Lyfið inniheldur sorbitól, sorbitól getur valdið óþægindum í meltingarfærum og haft væg hægðalosandi áhrif.

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.