Alutard SQ, kattahar

Ofnæmisvakar | Verðflokkur: G | Lyfseðilsskylt

Virkt innihaldsefni: Ofnæmisvaka extrakt

Markaðsleyfishafi: ALK-Abelló | Skráð: 1. júlí, 1999

Þegar ofnæmisvaldur berst til líkamans með snertingu fer af stað flókið ferli í líkamanum með ofnæmisviðbrögðum og tilheyrandi ofnæmiseinkennum. Fyrir þá sem eru haldnir miklu ofnæmi, orsakavaldurinn er þekktur og ofnæmið háir verulega viðkomandi, er ákveðin meðferð reynd sem kallast afnæmingarmeðferð. Alutard SQ, kattahar inniheldur hreinsuð ofnæmisvaka extrökt sem eru notuð við meðferð á kattahára ofnæmi. Meðferðin felst í því að gefa ofnæmisvakann með vissu millibili yfir ákveðið tímabil, í nokkur ár, í von um að líkaminn aðlagist og hætti að sýna viðbrögð við ofnæmisvakanum. Afnæmingarmeðferðin á alltaf að vera í höndum sérfræðinga í ofnæmis- og ónæmislækningum, enda er ekki farið út í hana nema brýna nauðsyn beri til.

Notkun á lyfi

Lyfjaform:
Stungulyf undir húð.

Venjulegar skammtastærðir:
Meðferðin er í höndum sérfræðinga í ofnæmis- og ónæmislækningum sem ákveða skammtastærðir.

Hversu langur tími líður uns verkun kemur fram:
Einstaklingsbundið.

Verkunartími:
Einstaklingsbundinn.

Þörf á að breyta mataræði meðan lyfið er tekið:
Forðast skal þungar máltíðir á innspýtingardegi.

Geymsla:
Geymist á köldum stað (2-8°C) í upprunalegum umbúðum þar sem börn hvorki ná til né sjá. Geymsluþol lyfsins eftir opnun er 6 mánuðir. Lyfið má ekki frjósa.

Ef skammtur gleymist:
Á ekki við.

Hvernig á að hætta töku lyfsins:
Ekki hætta töku lyfsins nema í samráði við lækni.

Ef tekinn er of stór skammtur:
Á ekki við.

Langtímanotkun:
Virkni lyfsins byggist á langtímanotkun.

Aukaverkanir

Fyrstu aukaverkanirnar geta komið fram á fyrstu 30 mín. Aukaverkanirnar geta verið að koma fram í allt að 24 tíma eftir innspýtingu. Aukaverkanirnar tengjast yfirleitt virkni lyfsins þar sem verið er að virkja vissa þætti ónæmiskerfisins.

Aukaverkun	Tíðni			Leitið til læknis vegna einkenna
Aukaverkun	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Bólga í húð
Hnúðar undir húð á stungustað
Kláði í lófum og iljum
Mikill kláði í húð
Soghljóð við öndun, þrengsli fyrir brjósti
Útbrot, kláði, bjúgur og öndunarerfiðleikar
Þreyta
Þroti, roði og kláði á stungustað

Milliverkanir

Samtímis notkun lyfja við ofnæmi geta haft áhrif á þol sjúklingsins. Aðra ofnæmisvaka, t.d. stífkrampa, ætti ekki að gefa fyrr en minnst viku eftir gjöf Alutard SQ nema brýna nauðsyn beri til.

Sjá öll lyf sem geta haft áhrif á

Má ekki nota með

Getur haft áhrif á

Varúð

Læknir sem ávísar lyfinu þarf að vita hvort

grunur leiki á um þungun eða að þú sért með barn á brjósti

þú sért með hjartasjúkdóm

þú sért með lungnasjúkdóm

þú sért með nýrnasjúkdóm

þú sért með ofnæmi fyrir virka efninu eða einhverju hjálparefnanna

þú takir einhver önnur lyf

þú hafir gleymt að taka inn ofnæmislyf

þú sért með hita eða sýkingu

Meðganga:
Ekki má hefja meðferð á meðgöngu. Ef þungun á sér stað á meðan meðferð stendur þá má halda henni áfram.

Brjóstagjöf:
Ekki er vitað hvort lyfið berst í brjóstamjólk.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið getur valdið þreytu. Ekki aka bíl fyrr en reynsla er komin á það hvaða áhrif lyfið hefur.

Áfengi:
Forðast skal neyslu áfengis á innspýtingardegi.

Íþróttir:
Leyft við æfingar og í keppni.

Annað:
Forðast skal erfiðar æfingar og heita sturtu á innspýtingardegi.

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.