Livostin

Livostin er notað við ofnæmi. Levókabastín, virka efni lyfsins, hindrar áhrif histamíns í líkamanum, en histamín er það boðefni sem veldur helstu einkennum ofnæmis. Lyfið er aðeins notað staðbundið við ofnæmiseinkennum í nefi og augum þar sem það slær á bólgur, ertingu og rennsli vegna ofnæmis. Verkun lyfsins kemur mjög fljótt fram.

---

Notkun á lyfi

Lyfjaform:
Augndropar og nefúði.

Venjulegar skammtastærðir:
Augndropar: 1 dropi í hvort auga 2svar á dag, hámark 4 sinnum á dag. Hrista skal flöskuna fyrir notkun. Nefúði: 2 úðaskammtar í hvora nös 2svar á dag.

Hversu langur tími líður uns verkun kemur fram:
Innan við 15 mín.

Verkunartími:
Nokkrar klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá. Augndropa skal nota innan 4ra vikna frá því að innri umbúðir eru opnaðar.

Ef skammtur gleymist:
Lyfið er aðeins notað eftir þörfum.

Hvernig á að hætta töku lyfsins:
Hætta má notkun lyfsins þegar einkenni eru ekki lengur til staðar.

Ef tekinn er of stór skammtur:
Stakir skammtar sem eru litlu stærri en venjulega ættu ekki að valda óþægindum. Ef vart verður við einhver óvenjuleg einkenni skal hafa samband við lækni.

Langtímanotkun:
Án vandkvæða.

---

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Staðbundin bólga eða kláði
Staðbundin erting

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

• Alutard SQ, birkifrjo
• Alutard SQ, derm. pter.
• Alutard SQ, hundahar
• Alutard SQ, kattahar
• Alutard SQ, vallarfoxgras
• Grazax
• Soluprick Negativ kontrol
• Soluprick Positiv kontrol
• Soluprick SQ ALK108 - Birkifrjó
• Soluprick SQ ALK225 - Vallarfoxgras
• Soluprick SQ ALK504 - Rykmaur
• Soluprick SQ ALK552 - Hrossaværur
• Soluprick SQ ALK553 - Hundahár
• Soluprick SQ ALK555 - Kattahár

---

Varúð

Læknir sem ávísar lyfinu þarf að vita hvort

• grunur leiki á um þungun
• þú sért með nýrnasjúkdóm

Meðganga:
Lyfið má nota á meðgöngu.

Brjóstagjöf:
Lyfið berst í brjóstamjólk en í venjulegum skömmtum er ólíklegt að það hafi áhrif á barnið.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Í stöku tilfellum hefur notkun nefúðans skert viðbragðsflýti. Eins og á við um önnur augnlyf getur notkun augndropa valdið tímabundnum sjóntruflunum. Ekki aka bíl fyrr en reynsla er komin á það hvaða áhrif lyfið hefur.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.