Af hverju liðleikaþjálfun?
Primal leggur áherslu liðleikaþjálfun því liðleiki eru er annar af grundvallarstoðum hreyfigetu. Hreyfigeta, eða geta líkamans til að sinna þeirri hreyfingu sem krafist er af okkur í daglegu lífi samanstendur af liðleika og styrk og vöntun á öðrum eða báðum þessum þáttum veldur stoðkerfisvandamálum, verkjum og veseni.
Þess vegna viljum við stunda þjálfun sem eykur hreyfigetu okkar, með liðleika- og styrktarþjálfun, sem kemur í veg fyrir stoðkerfisvandamál og stuðlar að bættri vellíðan í daglegu lífi.
Þrjú góð og stutt ráð þegar maður byrjar að teygja og mýkja sig
Nýtum okkur aðferðafræði Primal til aukningar á hreyfigetu með áherslu á þrjá meginþætti, fyrst opna, svo styrkja og að lokum nota.- Opna: Fyrst opnum við líkamann með liðleikaþjálfun. Við höldum ekki teygjunni heldur hreyfum okkur í teygjunni, förum inn og út úr dýpstu teygjunni.
- Styrkja: Síðan notum við styrkjandi æfingar í teygjunni til að byggja upp líkamann, virkjum og styrkjum í teygjunni.
- Nota: Að því loknu höfum við getu til að nota hreyfanleikann sem við höfum náð með opnun og styrk í daglegu lífi eða í þeim viðfangsefnum sem við viljum takast á við.
Í myndbandinu að neðan fer Einar Carl, þjálfari og eigandi Primal, yfir þessa aðferðafræði við bætingu á hreyfigetu með áherslu á að opna, styrkja og nota. Þessa aðferðafræði er hægt að nota á alla liði líkamans til að auka hreyfigetu og stuðla að betri vellíðan. Byrjaðu í dag og öðlastu frelsi í eigin líkama með aðferðafræði Primal.
