Polaramin (afskráð feb. 2011)

Ofnæmislyf | Verðflokkur: $medicine.getPriceCategory().name | Lyfseðilsskylt

Virkt innihaldsefni: Dexklórfeníramín

Markaðsleyfishafi: Schering-Plough

Dexklórfeníramín, virka efnið í Polaramin, hindrar áhrif histamíns víða í líkamanum, en histamín er það efni sem veldur helstu einkennum ofnæmis. Með því að koma í veg fyrir virkni histamíns má minnka einkenni ofnæmis eða koma í veg fyrir þau. Polaramin er notað gegn ofnæmisbólgum í nefi, frjóofnæmi, lyfjaútbrotum, snertiofnæmi, kláða vegna skordýrabits, kláða og ofsakláða.

Notkun á lyfi

Lyfjaform:
Töflur og forðatöflur til inntöku.

Venjulegar skammtastærðir:
Töflur, fullorðnir og börn 15 ára og eldri: 2-4 mg í senn 3svar á dag. Börn 6-14 ára: 1 mg í senn 3-4 sinnum á dag. Forðatöflur, fullorðnir: 6 mg kvölds og morgna. Töflurnar takist með vatnsglasi. Forðatöflurnar gleypist heilar með vatnsglasi. Má hvorki tyggja þær né skipta þeim.

Hversu langur tími líður uns verkun kemur fram:
10-30 mín.

Verkunartími:
3-6 klst. eftir stakan skammt

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Hvernig á að hætta töku lyfsins:
Ekki hætta töku lyfsins nema í samráði við lækni.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.

Langtímanotkun:
Lyfið er yfirleitt notað í skamman tíma í senn. Ef munnþurrkur af völdum lyfsins er viðvarandi getur það skaðað tannhold og slímhúð í munninum.

Aukaverkanir

Aukaverkun Tíðni Leitið til læknis vegna einkenna Leitaðu strax til læknis Hættu strax töku lyfs
Algeng >1% Sjaldgæf <1% Ekki þekkt Sem eru alvarleg Í öllum tilvikum    
Hraður hjartsláttur, hjartsláttarónot        
Munnþurrkur          
Skapgerðarbreytingar, rugl, svefntruflanir        
Sljóleiki          
Útbrot, kláði, bjúgur og öndunarerfiðleikar      
Þvagtregða        
Þyngsli fyrir brjósti        

Milliverkanir

Róandi verkun getur aukist við samtímis notkun alkóhóls og lyfja sem virka slævandi á miðtaugakerfið.

Sjá öll lyf sem geta haft áhrif á

Má ekki nota með

Getur haft áhrif á

Varúð

Læknir sem ávísar lyfinu þarf að vita hvort
  • grunur leiki á um þungun eða að þú sért með barn á brjósti
  • þú sért með gláku eða mikinn augnþrýsting
  • þú sért með langvarandi lifrar- eða nýrnasjúkdóm
  • þú sért með magasár
  • þú sért með ofnæmi fyrir virka efninu eða einhverju hjálparefnanna
  • þú sért með þvagteppu eða stækkun í blöðruhálskirtli
  • þú takir einhver önnur lyf

Meðganga:
Engin þekkt áhætta er af notkun lyfsins á meðgöngu. Ekki taka nein lyf á fyrstu 3 mánuðum meðgöngu nema í samráði við lækni.

Brjóstagjöf:
Ekki er vitað hvort lyfið berst í brjóstamjólk.

Börn:
Forðatöflurnar eru ekki ætlaðar börnum. Töflurnar eru ekki ætlaðar börnum yngri en 6 ára án samráðs við lækni.

Eldra fólk:
Venjulegar skammtastærðir.

Akstur:
Lyfið getur skert aksturshæfni. Ekki aka bíl meðan lyfið er tekið.

Áfengi:
Áfengi eykur sljóvgandi áhrif dexklórfeníramíns. Ekki er æskilegt að neyta áfengis meðan lyfið er tekið.

Íþróttir:
Leyft við æfingar og í keppni.

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.