Repevax

Repevax er bóluefni sem er notað til að örva vernd gegn barnaveiki, stífkrampa, kíghósta og mænusótt hjá börnum frá þriggja ára aldri, unglingum og fullorðnum. Bakterían sem veldur stífkrampa finnst víða í náttúrunni, t.d. í jarðvegi og húsdýraskít. Því er auðvelt að smitast af henni ef bakterían kemst í opið sár. Bakterían framleiðir eitur sem veldur því að vöðvar herpast saman og stífna og getur þetta ástand valdið dauða ef ekkert er aðhafst. Bakterían sem veldur barnaveiki framleiðir eitur sem getur verið skaðlegt vefjum líkamans, eins og t.d. hjartavöðva og getur þar af leiðandi valdið dauða. Bakterían sem orsakar kíghósta berst manna á milli með úðasmiti. Kíghósti getur verið erfiður og langdreginn og jafnvel lífshættulegur fyrir ungbörn. Mænusótt eða lömunarveiki eru sjúkdómur sem orsakaður er af veiru. Í flestum tilfellum eru einkenni sjúkdómsins væg en í sumum tilfellum getur hann orsakað lömun sem getur leitt til dauða. Helstu smitleiðir veirunnar eru með saurmengun, fæðu og vökva og jafnvel úðasmiti. Repevax vekur upp mótefnasvörun í líkamanum án þess að fólk veikist af þessum sjúkdómum og veitir þannig vörn gegn þeim.

---

Notkun á lyfi

Lyfjaform:
Stungulyf í vöðva.

Venjulegar skammtastærðir:
Heilbrigðisstarfsmenn með þjálfun í notkun bóluefna eiga að gefa REPEVAX. Allir aldurshópar sem fá REPEVAX fá eina sprautu.

Hversu langur tími líður uns verkun kemur fram:
.

Verkunartími:
Í kringum 10 ár.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef skammtur gleymist:
Á ekki við.

Hvernig á að hætta töku lyfsins:
Á ekki við þar sem lyfið er bara gefið einu sinni.

Ef tekinn er of stór skammtur:
Á ekki við.

Langtímanotkun:
Lyfið er ekki ætlað til langtímanotkunar.

---

Aukaverkanir

Eins og við á um öll lyf getur REPEVAX valdið aukaverkunum en það gerist þó ekki hjá öllum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hiti og höfuðverkur
Kviðverkir, ógleði, uppköst og niðurgangur
Pirringur
Útbrot, kláði, bjúgur og öndunarerfiðleikar
Þreyta
Viðbrögð á stungustað

---

Milliverkanir

Lyfið má ekki blanda í sömu sprautu við önnur bóluefni. Ef nota á önnur bóluefni þarf að nota aðra stungustaði. Þeir sem eru á ónæmisbælandi lyfjameðferð geta fengið minni mótefnasvörun.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• þú sért með blóðsjúkdóm
• þú sért með flogaveiki
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með skert ónæmiskerfi

Meðganga:
Nota má REPEVAX á öðrum og síðasta þriðjungi meðgöngu. Notkun REPEVAX á meðgöngu leyfir vörn að berast í barnið í móðurkviði til að vernda það gegn kíghósta á fyrstu mánuðum lífsins.

Brjóstagjöf:
Þar sem REPEVAX inniheldur afeitur eða dauðan mótefnisvaka er ekki að vænta áhættu fyrir barn á brjósti.

Börn:
Lyfið er ætlað börnum frá 3 ára aldri.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Adrenalín stungulyf verður að vera til staðar ef til bráðaofnæmis eða annarra ofnæmisviðbragða kemur. Bóluefnið má ekki gefa í æð.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.