Boostrix

Stífkrampi, barnaveiki og kíghósti eru sjúkdómar sem orsakaðir eru af bakteríum. Bakterían sem veldur stífkrampa finnst víða í náttúrunni, t.d. í jarðvegi og húsdýraskít er því auðvelt að smitast af henni ef bakterían kemst í opið sár. Bakterían framleiðir eitur sem veldur því að vöðvar herpast saman og stífna og getur þetta ástand valdið dauða ef ekkert er aðhafst. Bakterían sem veldur barnaveiki framleiðir eitur sem getur verið skaðlegt vefjum líkamans, eins og t.d. hjartavöðva og getur þar af leiðandi valdið dauða. Bakterían sem orsakar kíghósta berst manna á milli með úðasmiti. Kíghósti getur verið erfiður og langdreginn og jafnvel lífshættulegur fyrir ungbörn. Boostrix vekur upp mótefnasvörun í líkamanum án þess að fólk veikist af þessum sjúkdómum og veitir þannig vörn gegn þeim.

---

Notkun á lyfi

Lyfjaform:
Stungulyf í vöðva.

Venjulegar skammtastærðir:
Einn skammtur gefinn einu sinni samkvæmt bólusetningaráætlun hverju sinni.

Hversu langur tími líður uns verkun kemur fram:
Vörn fæst strax þar sem lyfið er eingöngu gefið til þess að örva fyrri bólusetningar gegn barnaveiki, stífkrampa og kíghósta.

Verkunartími:
Við barnaveiki og stífkrampa dugar bólusetningin í u.þ.b. 10 ár. Ekki er vitað í hversu langan tíma vörn gegn kíghósta varir.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa. Nota þarf hettuglasið innan 8 klst. frá því að umbúðir hafa verið rofnar.

Ef skammtur gleymist:
Ef skammtur gleymist ber að gefa skammtinn um leið og munað er eftir því þar sem möguleiki er að magn af mótefnum í líkamanum sé ekki nægilegt.

Hvernig á að hætta töku lyfsins:
Á ekki við þar sem lyfið er bara gefið einu sinni.

Ef tekinn er of stór skammtur:
Á ekki við.

Langtímanotkun:
Lyfið er ekki ætlað til langtímanotkunar.

---

Aukaverkanir

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hiti
Höfuðverkur, svimi
Krampar
Lítil svörun við áreiti
Lystarleysi
Pirringur
Staðbundinn verkur og bólga á stungustað
Svefnhöfgi, þreyta, lasleiki
Uppköst, niðurgangur
Útbrot, kláði, bjúgur og öndunarerfiðleikar

---

Milliverkanir

Lyfið má ekki blanda í sömu sprautu við önnur bóluefni. Ef nota á önnur bóluefni þarf að nota aðra stungustaði. Þeir sem eru á ónæmisbælandi lyfjameðferð geta fengið minni mótefnasvörun.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með blæðingasjúkdóm
• þú sért með hita eða sýkingu
• þú hafir áður fengið alvarlegar aukaverkanir af bólusetningu
• þú sért með skert ónæmiskerfi
• þú hafir einhvern tíma fengið krampa
• þú sért með heilakvilla

Meðganga:
Ekki má nota lyfið nema brýna nauðsyn beri til.

Brjóstagjöf:
Ekki er vitað hvort lyfið berst í brjóstamjólk.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Adrenalín stungulyf verður að vera til staðar ef til bráðaofnæmis eða annarra ofnæmisviðbragða kemur. Bóluefnið má ekki gefa í æð.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.