Plasmalyte

Plasmalyte er blanda af elektrólýtum sem er notað til að bæta upp vökvatap af ýmsum ástæðum. Plasmalyte inniheldur natríumklóríð, kalíumklóríð, magnesíumklóríðhexahýdrat, natríumasetatþríhýdrat og natríumglúkonat.

---

Notkun á lyfi

Lyfjaform:
Innrennslislyf.

Venjulegar skammtastærðir:
Læknir eða hjúkrunarfræðingur gefa Plasmalyte. Læknirinn ákveður hversu mikið þú þarft og hvenær þér verður gefið lyfið. Það fer eftir aldri, þyngd, almennu ástandi svo og tilgangi meðferðarinnar og annarri meðferð sem þú færð á sama tíma.

Geymsla:
Geymið lyfið þar sem börn hvorki ná til né sjá.

Ef skammtur gleymist:
Á ekki við.

Hvernig á að hætta töku lyfsins:
Læknirinn ákveður hvenær innrennslinu skal lokið.

Ef tekinn er of stór skammtur:
Ef þú færð of mikið af Plasmalyte (of mikil vökvagjöf) eða ef það er gefið of hratt getur það valdið eftirfarandi einkennum: bjúgur, náladofi, vöðvaslappleiki, lömun, hjartsláttaróregla, hjartastopp, rugl, öndunarbæling, ógleði, uppköst, húðroði, þorsti, lágþrýstingur, syfja, meðvitundarleysi, blóðsýring, geðsveiflur, þreyta og vöðvakippir. Láttu lækni tafarlaust vita ef þú færð einhver þessara einkenna.

---

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Bjúgur á útlimum
Hiti og slappleiki
Hjartsláttartruflanir, verkur fyrir brjósti, krampar
Ofnæmisviðbrögð, útbrot, kláði og öndunarerfiðleikar
Viðbrögð á stungustað (innrennslislyf)
Gæsahúð
Óreglulegur hjartsláttur, vökvasöfnun, mæði.

---

Milliverkanir

Einhver lyf milliverka við Plasmalyte, segðu lækni frá öllum lyfjum sem þú tekur.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• þú sért með hjarta-, lifrar- eða nýrnasjúkdóm
• þú sért með lágan blóðþrýsting eða hægan hjartslátt
• þú sért með ofnæmi fyrir virka efninu eða einhverju hjálparefnanna
• þú sért með vöðvaslensfár (myasthenia gravis)
• þú takir einhver önnur lyf
• þú sért með bjúg
• þú sért með óeðlilega há gildi kalíums í blóði
• þú sért með basískan blóðvökva
• þú sért með skerta sýrutæmingu í maga

Meðganga:
Plasmalyte má nota á meðgöngu.

Brjóstagjöf:
Plasmalyte má nota meðan á brjóstagjöf stendur.

Börn:
Lyfið má nota á öllum aldri og skammtar eru háðir þyngd og aldri.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.