Periactin (afskráð nóv. 2009)

óskráð | Verðflokkur: $medicine.getPriceCategory().name | Lyfseðilsskylt

Virkt innihaldsefni: Cýpróheptadín

Markaðsleyfishafi: óskráð

Cýpróheptadín, virka efnið í Periactin, hindrar áhrif histamíns og serótóníns í líkamanum, en histamín er það boðefni sem veldur helstu einkennum ofnæmis. Með því að koma í veg fyrir virkni histamíns má minnka einkenni ofnæmis eða koma í veg fyrir þau. Cýpróheptadín er notað við bráðu og langvinnu ofnæmi, svo sem ofnæmisbólgum í nefi, ofsakláða, ofsabjúg, lyfjaútbrotum, skordýrabiti og kláða. Cýpróheptadín er einnig gefið við æðatengdan höfuðverk eins og mígreni vegna áhrifa lyfsins á minnkandi virkni serótóníns í líkamanum. Við mígrenikast losnar mikið af serótóníni frá blóðflögum og það er talið eiga þátt í æðaþrengingu í höfðinu.

Notkun á lyfi

Lyfjaform:
Töflur til inntöku.

Venjulegar skammtastærðir:
Við ofnæmi, fullorðnir: 4-20 mg á dag í 2-3 skömmtum. Börn 7-14 ára: 4 mg í senn 2-3svar á dag. Börn 2-6 ára: 2 mg í senn 2-3svar á dag. Við mígreni: 4-8 mg í senn allt að 4 sinnum á dag.

Hversu langur tími líður uns verkun kemur fram:
Innan við 30 mín.

Verkunartími:
4-6 klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Hvernig á að hætta töku lyfsins:
Ekki hætta töku lyfsins nema í samráði við lækni.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.

Langtímanotkun:
Venjulega án vandkvæða.

Aukaverkanir

Aukaverkun Tíðni Leitið til læknis vegna einkenna Leitaðu strax til læknis Hættu strax töku lyfs
Algeng >1% Sjaldgæf <1% Ekki þekkt Sem eru alvarleg Í öllum tilvikum    
Gula          
Hiti, slappleiki, lystarleysi og marblettir        
Hraður hjartsláttur, hjartsláttarónot        
Munnþurrkur          
Skapgerðarbreytingar, rugl, svefntruflanir        
Sljóleiki, svimi og róandi áhrif          
Útbrot, kláði, bjúgur og öndunarerfiðleikar      
Þvagtregða        

Milliverkanir

Svefnlyf, sefandi lyf, róandi lyf og kvíðastillandi lyf geta aukið slævandi áhrif cýpróheptadíns.

Sjá öll lyf sem geta haft áhrif á

Má ekki nota með

Getur haft áhrif á

Varúð

Læknir sem ávísar lyfinu þarf að vita hvort
  • grunur leiki á um þungun eða að þú sért með barn á brjósti
  • þú sért með astma
  • þú sért með háan blóðþrýsting, hjarta- eða æðasjúkdóm
  • þú sért með hækkaðan augnþrýsting eða gláku
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með stækkaðan blöðruhálskirtil
  • þú takir einhver önnur lyf
  • þú sért með meltingarfærasjúkdóm

Meðganga:
Takmörkuð reynsla er af notkun lyfsins hjá þunguðum konum.

Brjóstagjöf:
Ekki er vitað hvort lyfið berst í brjóstamjólk.

Börn:
Lyfið er ekki ætlað börnum yngri en 2ja ára.

Eldra fólk:
Meiri líkur eru á að lyfið valdi svima, sljóleika og lágum blóðþrýstingi hjá öldruðum sjúklingum en öðrum.

Akstur:
Lyfið getur haft áhrif á akstur. Ekki aka bíl fyrr en reynsla er komin á það hvaða áhrif lyfið hefur.

Áfengi:
Cýpróheptadín eykur áhrif áfengis. Æskilegt er að halda áfengisneyslu í lágmarki meðan lyfið er tekið.

Íþróttir:
Leyft við æfingar og í keppni.

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.