Ivermectin Medical Valley

Ivermectin Medical Valley inniheldur virka efnið ivermectín. Lyfið er notað við sýkingum af völdum ákveðinna sníkjudýra. Aðeins á að nota Ivermectin Medical Valley þegar læknirinn hefur staðfest eða heldur að þú sért með sníkjudýrasýkingu. Það er notað til að meðhöndla: - þráðormasýkingu í meltingarvegi (anguillulosis). Þetta orsakast af þráðormi sem kallast "Strongyloides stercoralis". - sýkingu í blóði sem forlirfur valda vegna þráðormasýki í eitlum. Þetta orsakast af óþroskuðum ormi sem kallast "Wuchereria bancrofti". Ivermectin Medical Valley virkar ekki á fullorðna orma, aðeins á óþroskaða orma. - maurakláða. Þetta er vegna smámaura sem grafa sig undir húðina. Þetta getur valdið svæsnum kláða. Aðeins á að nota Ivermectin Medical Valley þegar læknirinn hefur staðfest eða heldur að þú sért með maurakláða.

---

Notkun á lyfi

Lyfjaform:
Töflur til inntöku.

Venjulegar skammtastærðir:
Taka skal mið af opinberum leiðbeiningum. Opinberar leiðbeiningar eru m.a. leiðbeiningar frá WHO og heilbrigðisyfirvöldum. Taka má skammtinn á hvaða tíma dags sem er, en ekki skal neyta fæðu innan tveggja klst. fyrir eða eftir lyfjagjöf, þar sem áhrif fæðu á frásog eru ekki þekkt.

Hversu langur tími líður uns verkun kemur fram:
Misjafnt eftir ábendingu.

Verkunartími:
Ivermectin Medical Valley byrjar að verka fljótt en skilst út með saur sem getur tekið um 12 daga.

Þörf á að breyta mataræði meðan lyfið er tekið:
Ekki skal neyta fæðu innan tveggja klst. fyrir eða eftir lyfjagjöf.

Geymsla:
Ekki þarf að geyma lyfið við sérstök hitaskilyrði. Geymið í upprunalegum umbúðum til varnar gegn ljósi.

Hvernig á að hætta töku lyfsins:
Ekki ætlað til langtíma notkunar.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).

Langtímanotkun:
Á ekki við.

---

Aukaverkanir

Aukaverkanir tengjast þéttleika sníkjudýra og eru í flestum tilvikum vægar og tímabundnar en geta verið alvarlegri hjá sjúklingum sem smitast hafa af fleiri sníkjudýrum, sérstaklega í tilviki sýkingar með Loa loa.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hiti, vöðvaverkir
Höfuðverkur, þróttleysi
Kviðverkir, ógleði, uppköst og niðurgangur
Svimi, svefndrungi, þreyta

---

Milliverkanir

Ekki hafa verið gerðar neinar rannsóknir á milliverkunum.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• þú sért með ofnæmi fyrir virka efninu eða einhverju hjálparefnanna
• þú sért með skert ónæmiskerfi
• þú hefur búið í Afríku

Meðganga:
Ef þú ert þunguð skaltu ekki taka Ivermectin Medical Valley nema læknirinn hafi ráðlagt þér það.

Brjóstagjöf:
Ivermectin Medical Valley skilst út með brjóstamjólk í litlu magni. Lyfið skal ekki nota nema í samráði við lækni.

Börn:
Öryggi hefur ekki verið staðfest hjá börnum léttari en 15 kg fyrir neina ábendingu. Mylja skal töflurnar fyrir börn yngri en 6 ára áður en þær eru gleyptar.

Eldra fólk:
Almennt skal gæta varúðar við meðhöndlun eldri sjúklinga.

Akstur:
Áhrif Ivermectin Medical Valley á hæfni til aksturs og notkunar véla hafa ekki verið rannsökuð. Hver og einn verður að leggja mat á getu sína til aksturs.

Áfengi:
Notkun ekki ráðlögð. Veldur því að styrkur ívermectín í blóði hækkar sem getur valdið verri aukaverkunum.

Íþróttir:
Notkun leyfð.

Annað:
Til athugunar fyrir sjúklinga sem eru meðhöndlaðir við maurakláða Fólk sem þú hefur umgengist, sérstaklega fjölskyldumeðlimir og makar, skulu fara í læknisskoðun eins fljótt og auðið er, og fá strax meðhöndlun við maurakláða ef þörf krefur. Gæta skal hreinlætis til að koma í veg fyrir endursýkingu (þ.e. að halda fingurnöglum stuttum og hreinum) og fylgja vandlega opinberum leiðbeiningum varðandi þrif fatnaðar og rúmfata.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.