Cervarix

Ár hvert greinast um 50.000 konur í Evrópu með leghálskrabbamein og um 25.000 deyja árlega. Hér á landi hefur leghálskrabbameinsleit staðið frá árinu 1964 og eru konur á aldrinum 20-69 ára boðaðar í skoðun á tveggja ára fresti. Árangur leitarinnar hefur margsannað sig. Cervarix er bóluefni sem er ætlað til forvarnar gegn leghálskrabbameini og forstigsbreytingum í leghálsi. Bóluefnið er unnið úr próteinögnum tveggja stofna mannapapillomaveiru, HPV-16 og HPV-18, en þessar tegundir veirunnar eru taldar valda u.þ.b. 70% tilfella krabbameina í leghálsi, neðsta hluta legsins, og 40% tilfella alvarlegra forstigsbreytinga. Lyfið er forvörn en ekki lækning.

---

Notkun á lyfi

Lyfjaform:
Stungulyf í vöðva.

Venjulegar skammtastærðir:
Bóluefnið er gefið í þremur skömmtum. Venjulega er annar skammtur gefinn 1 mánuði eftir fyrsta skammt og sá þriðji 6 mánuðum eftir fyrsta skammt.

Hversu langur tími líður uns verkun kemur fram:
Full verkun kemur fljótlega eftir að allir skammtarnir hafa verið gefnir.

Verkunartími:
A.m.k. 6 ár.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef skammtur gleymist:
Ef seinni skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.

Hvernig á að hætta töku lyfsins:
Ekki er talið æskilegt að hætta gjöf lyfsins fyrr en allir skammtar hafa verið gefnir þar sem líkur eru á að ekki hafi myndast nægilegt magn af mótefnum.

Ef tekinn er of stór skammtur:
Á ekki við.

Langtímanotkun:
Meðferðin samanstendur af þremur skömmtum á 6 mánaða tímabili.

---

Aukaverkanir

Algengustu aukaverkanir lyfsins eru verkir á stungustað.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hiti
Höfuðverkur
Ógleði, uppköst, niðurgangur og kviðverkir
Sýking í efri öndunarvegi
Útbrot og mikill kláði
Útbrot, kláði, bjúgur og öndunarerfiðleikar
Verkur, roði og bólga á stungustað
Vöðvaverkir, liðverkir
Þreyta

---

Milliverkanir

Lyfið má ekki blanda í sömu sprautu við önnur bóluefni. Ónæmisbælandi lyf geta dregið úr áhrifum bólusetningarinnar.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með blæðingasjúkdóm
• þú sért með hita eða sýkingu
• þú sért með skert ónæmiskerfi

Meðganga:
Lyfið skal ekki gefa konum á meðgöngu.

Brjóstagjöf:
Ekki skal gefa lyfið nema brýna nauðsyn beri til.

Börn:
Lyfið er ekki ætlað stúlkum yngri en 10 ára.

Eldra fólk:
Lyfið er venjulega ætlað konum yngri en 55 ára.

Akstur:
Áhrif lyfsins á akstur hafa ekki verið könnuð.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Adrenalín stungulyf verður að vera til staðar ef til bráðaofnæmis eða annarra ofnæmisviðbragða kemur. Bóluefnið má ekki gefa í æð, í húð eða undir húð.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.