Attentin

Attentin töflur innihalda virka efnið dexamfetamin súlfat. Lyf getur bætt athygli, einbeitingu og dregið úr hvatvísri hegðun og er notað til að meðhöndla athyglisbrest með ofvirkni (ADHD) hjá börnum og unglingum 6-17 ára. Það er eingöngu notað þegar annað lyf sem kallast methylphenidat hefur ekki virkað nógu vel.

---

Notkun á lyfi

Lyfjaform:
Töflur til inntöku.

Venjulegar skammtastærðir:
Skammtar eru mjög einstaklingsbundnir.

Hversu langur tími líður uns verkun kemur fram:
Ekki að fullu þekkt.

Verkunartími:
Ekki að fullu þekktur.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Ekki á að tvöfalda skammt til að bæta upp skammt sem gleymst hefur að taka. Ef barnið þitt gleymir skammti á að bíða með að taka lyfið þar til komið er að næsta skammti.

Hvernig á að hætta töku lyfsins:
Ekki hætta töku lyfsins nema í samráði við lækni

Ef tekinn er of stór skammtur:
Ef of stór skammtur af lyfinu hefur verið tekinn, eða ef barn hefur í ógáti tekið inn lyfið skal strax hafa samband við lækni, sjúkrahús, eitrunarmiðstöð (sími 543 2222) eða hringja á sjúkrabíl. Láttu vita hversu mikið hefur verið tekið af lyfinu. Sýndu lækninum pakkninguna eða fylgiseðil. Ofskammtur af þessum töflum getur verið mjög alvarlegur.

Langtímanotkun:
Þegar dexamfetamin er notað lengur en í 12 mánuði fyrir börn og unglinga með ADHD er mælt með því að gera hlé á notkun að minnsta kosti einu sinni á ári til að meta ástand barnsins (helst í skólaleyfum). Bati getur haldist þó notkun lyfsins sé hætt tímabundið eða til frambúðar.

---

Aukaverkanir

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hjartsláttartruflanir
Höfuðverkur, svimi
Kvíði, þunglyndi
Liðverkir
Lystarleysi, ógleði
Munnþurrkur
Óróleiki, svefnleysi
Æsingur, árásargirni

---

Milliverkanir

Séu MAO-blokkandi lyf (gömul þunglyndislyf) tekin hálfan mánuð fyrir lyfjagjöf gæti það leitt til mikillar blóðþrýstingshækkunar.

Sjá öll lyf sem geta haft áhrif á

Má ekki nota með

Getur haft áhrif á

• Paxlovid

---

Varúð

Læknir sem ávísar lyfinu þarf að vita hvort

• hvort þú sért með gláku
• grunur leiki á um þungun eða að þú sért með barn á brjósti
• þú sért með einhvern hjarta- eða æðasjúkdóm
• þú sért með flogaveiki
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með skjaldkirtilssjúkdóm
• þú eigir við áfengis- eða fíkniefnavandamál að stríða
• þú sért með alvarlegan geðsjúkdóm

Meðganga:
Takmörkuð reynsla er af notkun lyfsins hjá þunguðum konum. Mögulega eykur lyfið líkur á meðgöngueitrun og fyrirburafæðingu.

Brjóstagjöf:
Lyfið berst í brjóstamjólk og getur haft áhrif á barnið.

Börn:
Lyfið er ekki ætlað börnum yngri en 6 ára.

Eldra fólk:
Lyfið er ekki ætlað öldruðum.

Akstur:
Lyfið getur skert aksturshæfni.

Áfengi:
Ekki neyta áfengis meðan lyfið er tekið.

Íþróttir:
Bannað í keppni.

Fíknarvandamál:
Lyfið getur verið vanabindandi. Ávanahætta er meiri eftir því sem skammtar eru stærri eða lyfið er notað í lengri tíma og hjá þeim sem hafa tilhneigingu til misnotkunar lyfja eða áfengis.

Annað:
Það á að taka Attentin töflur með vatni, helst með mat eða strax eftir máltíð. Alltaf skal taka Attentin töflurnar á sama tíma dags í tenglum við máltíðir. Almennt ætti ekki að taka síðasta skammt of löngu eftir hádegi til að forðast erfiðleika við að sofna.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.