Enbrel

Enbrel er svokallað líftæknilyf sem að inniheldur virka efnið etanercept. Lyfið er notað hjá fullorðnum við meðferð á iktsýki, sóragigt, hryggikt og skellupsoriasis. Hjá börnum er lyfið notað við liðagigt hjá börnum 2 ár aog eldri og við svæsnu skellupsoriasis hjá börnum frá 6 ára aldri. Etanercept er svokallaður TNF-blokkari. TNF er hluti af ónæmiskerfi líkamans og er í auknu magni í bólgusjúkdómum, þegar lyfið hamlar TNF dregur það úr bólguferlinu.

---

Notkun á lyfi

Lyfjaform:
Stungulyf.

Venjulegar skammtastærðir:
25mg 2svar í viku eða 50mg 1 sinni í viku sem inndæling undir húð í læri, kvið eða afturhluta upphandleggs. Skammtastærð og tíðni skammta fyrir börn er háð líkamsþyngd og sjúkdómnum.

Hversu langur tími líður uns verkun kemur fram:
Getur tekið nokkrar vikur eða mánuði.

Geymsla:
Geymið í kæli (2°C - 8°C). Má ekki frjósa. Hægt að geyma Enbrel utan kæliskáps við hitastig að hámarki allt að 30°C í eitt skipti í allt að 4 vikur; eftir það á ekki að geyma lyfið í kæli á ný.

Ef skammtur gleymist:
Ef þú gleymir skammti, skaltu sprauta honum um leið og þú manst eftir því nema næsti skammtur sé áætlaður daginn eftir, en þá skaltu sleppa skammtinum sem gleymdist.

Hvernig á að hætta töku lyfsins:
Í samráði við lækni.

Ef tekinn er of stór skammtur:
Skal hafa strax samband við lækni, sjúkrahús eða eitrunarmiðstöð (543 2222).

Langtímanotkun:
Virðist án vandkvæða.

---

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Hjartabilun
Höfuðverkur
Meltingartruflanir
Ofnæmisviðbrögð, útbrot, kláði og öndunarerfiðleikar
Sýkingar
Alvarlegar sýkingar

---

Milliverkanir

Sjá öll lyf sem geta haft áhrif á

Má ekki nota með

• Kineret

Getur haft áhrif á

• Salazopyrin
• Salazopyrin EN

---

Varúð

Læknir sem ávísar lyfinu þarf að vita hvort

• þú sért með hjartasjúkdóm
• þú sért með ofnæmi fyrir virka efninu eða einhverju hjálparefnanna
• þú sért með sykursýki
• þú takir einhver önnur lyf
• þú sért með krabbamein
• þú sért með sýkingu
• þú sért með taugasjúkdóm

Meðganga:
Aðeins skal nota Enbrel meðan á meðgöngu stendur ef brýn nauðsyn krefur.

Brjóstagjöf:
Lyfið skilst út í brjóstamjólk en ólíklegt er að það hafi áhrif á barnið. Einungis skal nota lyfið samhliða brjóstagjöf í samráði við lækni.

Börn:
Enbrel er ekki ætlað til notkunar handa börnum yngri en 2 ára.

Eldra fólk:
Venjulegar skammtastærðir en gæta skal varúðar hjá 65 ára og eldri.

Akstur:
Lyfið hefur ekki áhrif á hæfni til aksturs.

Áfengi:
Ekki skal nota Enbrel við meðferð lifrarbólgu sem tengist misnotkun áfengis.

Annað:
Einungis sérfræðilæknar í gigtarlækningum, húðsjúkdómum og ónæmisfræði mega ávísa lyfinu.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.